Promovohet libri i Behram Hotit

U promovua libri “Dashuria për vatër dhe atdhe nuk shuhet kurrë”, nga autori Behram Hoti. Me këtë rast u vlerësua veprimtaria e autorit në pajtimin e gjaqeve.

“Autori me profesorin Anton Çettën dhe të tjerët, për të mos u hyrë në hak askujt, me iniciativën e rinisë i kanë kryer të gjitha parapërgatitjet për një bashkim tonin, për ta luftuar një sllavizimin e Kosovës dhe dëbimin e shqiptarëve. Nëse jemi edhe sot bashkë, nuk ka çfarë na bën as Vuçiqi as Daçiqi”, deklaroi aktivisti Jahja Lluka.

Redaktori Fadil Curri tha se libri i profesor Hotit zë një vend të rëndësishëm në letërsinë shqiptare, por edhe me gjerë.

“Shikuar nga aspekti i vlerave letrare, ky libër zë një vend të veçantë në botën e letërsisë sonë. Puna e Bajram Hotit para se gjithash mbështetet në burime”, deklaroi Fadil Curri.

Ndërkaq, redaktori tjetër, Izet Avdyli, foli për veprimtarinë e autorit ku tha: “Autori ka folur si veprimtarë i dalluar i çështjes kombëtare, si një poet dhe prozator i shkëlqyer dhe si publicist. Bajram Hoti qysh në rininë e tij të hershme është shquar nga virtyte të larta si guximi dhe vendosmëria dhe mbi të gjitha atdhedashuria e flaktë”. /RTV Dukagjini/