Instituti D4D ka analizuar votat që gratë kanë fituar në garën e tyre si kandidate për deputet për zgjedhje të përgjithshme kronologjikisht në vitin 2014, 2017, 2019 dhe 2021.
Këto vota janë paraqitur në një animacion, ku mund të vërehen trajektoret e votave të grave kandidate si tërësi të subjekteve politike, ku në disa raste ka ulje të votave por në raste të caktuara edhe rritje.
Për shkak të koalicioneve të shumta dhe të ndryshme që kanë qenë ndër vite, ka qenë e pamundur të analizohen listat garuese si tërësi, prandaj edhe janë ndarë kandidatet për deputete të secilit subjekt politik në bazë të viteve si në vijim.
Në vitin 2014 nga Aleanca për Ardhmërinë e Kosovës (AAK) ishin gjithsej 33 kandidate për deputete të cilat si tërësi fituan 50,831 vota.
Aleanca Kosova e Re (AKR) kishte 34 kandidate për deputete të cilat morën 30,040 vota.
Nga Lidhja Demokratike e Kosovës (LDK) ishin gjithsej 35 gra kandidate që së bashku morën 213,154 vota.
Nga 33 kandidatet për deputete nga NISMA Social Demokrate u fituan në total 32,857 vota.
Partia Demokratike e Kosovës (PDK) në këto zgjedhje kishte vetëm 27 gra kandidate të cilat morën 129,271 vota, kjo pasi që ishte në koalicion parazgjedhor edhe me Partinë e Drejtësisë (PD); Lëvizjen për Bashkim (LB); Partinë Shqiptare Demokristiane të Kosovës (PSHDK) si dhe Partinë Konservatore të Kosovës (PK).
Ndërsa Lëvizja Vetëvendosje (LVV) kishte 33 gra kandidate të cilat si tërësi fituan 88,582 vota.
Në vitin 2017 AAK, NISMA, PDK, PD, LB, PSHDK, PK, ADK, REK, PB, PSD dhe BKK ishin në koalicion të përbashkët parazgjedhor, prej tyre AAK kishte 13 kandidate të cilat morën 60,015 vota.
Nisma kishte 5 kandidate që morën 17,355 vota dhe PDK kishte 15 kandidate që morën 113,829 vota.
Koalicion para zgjedhor në këtë vite bënë edhe LDK dhe AKR, ku LDK kishte 21 gra kandidate të cilat morën 154,467 vota ndërsa AKR 12 kandidate të cilat morën 53,540 vota.
Pa koalicion ishte vetëm LVV e cila kishte në total 34 gra kandidate për deputete të cilat morën gjithsej 171,553 vota.
Në vitin 2019 AAK ishte në koalicion me Partinë Social Demokrate (PSD), ku nga AAK ishin gjithsej 24 gra kandidate të cilat morën 58,319 vota.
AKR po ashtu ishte në koalicion parazgjedhor me NISMA dhe PD.
Nga ky koalicion AKR kishte 9 gra kandidate të cilat morën 15,817 vota si tërësi ndërsa nga NISMA ishin 24 gra kandidate të cilat morën 25,546 vota.
Ndërsa pa koalicione por me lista garuese si të vetme LDK kishte 34 gra kandidate të cilat morën 342,136 vota, PDK kishte 33 kandidate që siguruan gjithsej 144,462 vota, si dhe LVV kishte 34 kandidate që morën 254,422 vota.
Në zgjedhjet e fundit të mbajtura gjatë këtij viti (2021), në bazë të rezultateve përfundimtare të shpallura nga Komisioni Qendror i Zgjedhjeve (Por, ende të pa certifikuara për shkak të afateve të ankesave) AAK kishte gjithsej 33 gra kandidate të cilat siguruan 59,680 vota në total.
AKR i’u bashkua listës së LDK, ku në këtë rast AKR kishte vetën 2 gra kandidate në këtë listë të cilat së bashku morën 6,088 vota, ndërsa LDK kishte 31 kandidate në po të njëjtën listë, të cilat morën 95,807 vota.
NISMA kandidate të certifikuara i kishte 31 gra të cilat i morën 19,582 vota. PDK kishte 33 kandidate të cilat së bashku morën 140,738 vota.
Në këto zgjedhje listës garuese të LVV i’u bashkua edhe Lista Vjosa.
Nga LVV ishin gjithsej 33 gra kandidate të cilat u certifikuan nga KQZ dhe fituan 392,258 vota ndërsa nga Lista Vjosa ishin 7 kandidate të cilat morën së bashku 403,771 vota, pra si listë e përbashkët gratë i morën 796,029 vota në tërësi. /Telegrafi/
Lufta Prigozhin - Putin
Më shumëNga Rubrika
Bajrami: Jam i gatshëm ta ndihmoj Kurtin në procesin e Asociacionit
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Bajrami: Jam i gatshëm ta ndihmoj Kurtin në procesin e Asociacionit
Kush ishin dy gratë që dhanë idenë për pajtimin e gjaqeve, tregon bashkëpunëtori i Anton Çettës
Të shtëna me armë në Lupç të Podujevës, katër të plagosur
Ndalohen për 48 orë pesë të dyshuar për rastin e plagosjes në Lupç
Balje: Deklarata e Kurtit për Kodin Civil është provokuese, nuk votoj pro martesave të gjinisë së njëjtë
Prokuroria jep detaje për plagosjen e katër personave në Lupç të Podujevës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit