Chelsea është obliguar t’ia paguajë ish-trajnerit Antonio Conte nëntë milioën funte (10.2 milionë euro), pasi gjykata ka vendosur në favor të strategut italian.

49-vjeçari e fitoi titullin e Ligës Premier në sezonin 2016/2017 dhe e mposhti Manchester Unitedin në finale të Kupës FA, vetëm dy muaj para se të shkarkohej nga Roman Abramovich.

Të gjitha lajmet nga Antonio Conte Të gjitha lajmet nga Antonio Conte

Kur ishte shkarkuar, ka pasur thashetheme se klubi ishte i pakënaqur me sjelljen e trajnerit dhe raporteve të prishura me disa prej lojtarëve kryesore.

Antonio Conte (Foto: Gabriele Maltinti/Getty Images/Guliver)

Sipas The Times, Chelsea nuk do ta kontestojë vendimin e gjykatës dhe në këtë mënyrë do të marrë fund mosmarrëveshja mes dy palëve, ndërsa Conte do ta marrë dëmshpërblimin e tij.

Në ndërkohë, strategu italian është duke u kërkuar nga disa klube dhe pritet që në sezonin e ri ta marrë nën drejtim ndonjë tjetër klub të madh. /Telegrafi/