Colin Farrell kishte sulme paniku nën ujë gjatë xhirimeve të filmit të ri “Thirteen Lives”

Aktori i njohur, Colin Farrell nuk i kaloi mirë xhirimet e filmit “Thirteen Lives”.

“Tmerrshme me një fjalë. E tmerrshme”, tha aktori irlandez për “Entertainment Tonight” në premierën e filmit të enjten mbrëma, ndërsa përshkroi përvojën.

Filmi me regji të Ron Howard rrëfen shpëtimin e vërtetë të vitit 2018 të një duzinë djemsh të rinj dhe trajnerit të tyre të futbollit, të cilët ishin bllokuar në shpellën e përmbytur Tham Luang në Tajlandë.

Farrell, 46 vjeç, rrëfeu se ndihej veçanërisht i frikësuar duke filmuar skena ekstreme nënujore.

“Ishte e frikshme. Unë nuk jam një notar i shkëlqyeshëm gjithsesi, jo se po notonim, jo ​​se po shkelnim ujin – duhej të qëndronim në sipërfaqe – por ata ndërtuan një rrjet me të vërtetë mbresëlënës shpellash”, tha ylli i “Batman”.

“Ishin rreth katër ose pesë shpella të ndryshme që bazoheshin në topografinë e shpellave, shpellat Tham Luang në Tajlandë, dhe ato i mbushën plot me ujë, dhe ne do të zbrisnim”, u shpreh ai.

Farrell, i cili luan rolin e zhytësit të shpëtimit John Volanthen, shtoi se të mos shihje sipërfaqen e ujit ishte e tmerrshme dhe “thjesht shkakton kërdi në mendje”. Ai madje tregoi se kishte përjetuar sulme paniku nën ujë, të cilat ai e quajti një “përvojë të re”.

Megjithatë, ish-ylli i “True Detective” shpjegoi se të gjitha skenat nënujore nuk i përmirësonin aftësitë e tij ujore, duke shtuar se të qenit një zhytës shpëtimi është “një grup aftësish shumë i veçantë”.

Farrell nuk ishte i vetmi yll në xhirime që luftoi me skenat intensive.

Bashkëylli i tij, Viggo Mortensen, i cili luan heroin e jetës reale, Richard Stanton, tregoi se edhe ai ishte në panik në një moment gjatë xhirimeve.

“Papritur nuk mund të merrja frymë. Më dukej si një kohë e gjatë, por ishte vetëm çështje sekondash. Më kapi paniku”, tha aktori për People.

Filmi, në të cilin luajnë edhe Joel Edgerton, Tom Bateman dhe Paul Gleeson, tashmë ka dalur në kinema tani dhe do të nisë në Amazon Prime Video më 5 gusht. /Telegrafi/