Mbrëmë janë zhvilluar pesë ndeshje në ligën më të fortë të basketbollit në botë.

Pas humbjes kundër Golden State Warriors, kampioni aktual i NBA-së i është rikthyer fitoreve.

Mësohen basketbollistët titullar në ‘NBA All-Star’ Mësohen basketbollistët titullar në ‘NBA All-Star’

Cleveland Cavaliers ka triumfuar kundër Phoenix Suns me rezultat 118:103, transmeton Telegrafi.

Kyrie Irving ishte basketbollisti më efikas te kampioni me 26 pikë, duke lënë në hije LeBron Jamesin, i cili regjistroi ‘double-double’ me 21 pikë dhe dhjetë asistime. Edhe Channing Fyre realizoi ‘double-double’ në saje të 18 pikëve dhe dhjetë kërcimeve.

Në anën tjetër lojtari më i mirë në fushë ishte Tyson Chandler me ‘double-double’ fal 22 pikë dhe 16 kërcimeve. Po aq pikë sa Chandler i realizoi edhe Eric Bledsoe.

Pas kësaj, Cavs ka bilanc prej 30 fitoreve dhe 11 humbjeve ndërsa për Suns kjo ishte humbja e 29 kundrejt 13 fitoreve. /Telegrafi/

Rezultatet tjera:

Miami 99-95 Dallas

New York 110-113 Washington

San Antonio 118-104 Denver

L.A. Clippers 101-104 Minnesota