Janë zhvilluar takimet e xhiros së radhës në elitën e basketbollit amerikan NBA.

Chicago Bulls janë rikthyer te fitorja pas humbjes xhiron e kaluar nga San Antonio Spurs.

Nē United Center ku të pranishëm ishin 19,521 tifozë, Bulls kanë triumfuar përballë Portland Trail Blazers me 14 pikë diferencë 130:116.

Tre yjet e Bulls, Vucevic, DeRozan dhe LaVine shënuan së bashku 67 pikë, apo më shumë se gjysmën e atyre që realizoi i gjithë ekipi i tyre në këtë përballje.

Qendra malazeze ishte më efikasi me 24 pikë, 14 kërcime e tri asistime.

Demar DeRozan shtoi 23 pikë e 10 asistime, derisa Zach LaVine e mbylli sfidën me 20 pikë të tjera.

Reklama

Cj McCollume ishte më efikasi tek mysafirët me 29 pikë, por që nuk mjaftuan për fitore.

Reklama

Ndërkohë Los Angeles Lakers kanë pësuar një tjetër humbje, pasi janë mposhtur në udhëtim nga Atlanta Hawks me rezultat 129:121.

Humbje të thellë ka pësuar edhe kampioni në fuqi i NBA, Milwaukee Bucks që para tifozëve të vet u mposhtën nga Denver Nuggets me 36 pikë diferencë 100:136. /Telegrafi/