LAJMI I FUNDIT:

Çfarë mund të konsumoni para se të flini? Këto ushqime nuk do t’ju zgjojnë, por do t’ju ndihmojnë të keni gjumë të qetë

Çfarë mund të konsumoni para se të flini? Këto ushqime nuk do t’ju zgjojnë, por do t’ju ndihmojnë të keni gjumë të qetë
(Foto: Pexels)

Një nga parakushtet kryesore për një shëndet të mirë është gjumi me cilësi të mjaftueshme. Ekspertët pohojnë se ka ushqime që kanë një efekt të favorshëm në gjumë dhe pushim cilësor, në mënyrë që të nesërmen të përballemi më të gatshëm për punë të reja dhe fitore jetësore.

Para se të shkoni të flini gjumë, mund të konsumoni shtatë lloje ushqimesh për të pasur një gjumë më cilësor.

A ju ndihmon ngrënia e drithërave para gjumit që të flini më mirë
Lexo po ashtu A ju ndihmon ngrënia e drithërave para gjumit që të flini më mirë

Çaj kamomili

Ju ndoshta e dini tashmë se çaji i kamomilit u përket qetësuesve natyralë. Ky çaj përmban antioksidantë që mund të nxisin përgjumjen, kurse pirja e tij para gjumit është treguar se përmirëson cilësinë e përgjithshme të gjumit.

Mish gjeldeti

Nutricionistët pohojnë se mishi i gjelit të detit është i mrekullueshëm për darkë, nëse dëshironi të flini mirë. Gjeli i detit përmban sasi të mëdha të proteinave dhe triptofanit dhe dihet se këto dy substanca reduktojnë lodhjen.

Bajame

Melatonina është një nga ato substanca të dobishme për gjumë cilësor. Bajamet janë një burim i melatoninës dhe mineralit të magnezit, i cili gjithashtu përmirëson gjumin. Këta dy përbërës të kombinuar janë një zgjedhje e shkëlqyer si një mesvakt të shëndetshëm para gjumit.

Gërhitja është më e rrezikshme nga sa mendoni
Lexo po ashtu Gërhitja është më e rrezikshme nga sa mendoni

Kivi

Kjo frutë e gjelbër dhe e shijshme, përveçse është një thesar i vitaminës C, është i pasur me serotoninë dhe antioksidantë, dhe të dyja mund të përmirësojnë cilësinë e gjumit nëse hahet para gjumit.

Lëng vishnje

Përveçse është i shijshëm, lëngu i vishnjës përmban hormonin melatoninë, i cili nxit gjumin dhe mund t’ju ndihmojë të flini më mirë dhe më qetë.

Peshku i yndyrshëm

Peshku i yndyrshëm është i pasur me vitaminë D dhe acide yndyrore omega-3, dhe të dyja kanë veti që mund të përmirësojnë cilësinë e gjumit tuaj.

Përse fëmijët nuk duhet të flenë me dritën ndezur në dhomë?
Lexo po ashtu Përse fëmijët nuk duhet të flenë me dritën ndezur në dhomë?

Fruta arrore

Përveç bajameve, si ushqim para gjumit rekomandohen edhe arrat. Ato kanë disa veti që mund të nxisin gjumë më të mirë. Për shembull, ato janë një burim i shkëlqyer i melatoninës dhe yndyrave të shëndetshme. /Telegrafi/

Në trend Shëndetësi

Më shumë
Si hahet avokadoja dhe cilat janë përparësitë e saj

Si hahet avokadoja dhe cilat janë përparësitë e saj

Të njohim produktet
Kalo në kategori