Çfarë e shkakton shfaqjen e njollave të bardha në thonj

E keni vënë re se njolla të bardha shfaqen shpesh në thonjtë tuaj? Lajmi i mirë është se jo gjithmonë janë tregues i shëndetit të dobët dhe ka disa arsye pse ndodhin.

Arsyeja më e zakonshme është trauma e thonjve. Mund të shfaqet edhe për shkak të dëmtimit të vogël, për shembull nga kafshimi ose përplasja në tryezë.

Nëse shkoni për një manikyr, kushtojini vëmendje ekspertizës së personit që e bën atë. Nëse nuk funksionon mjaftueshëm, do të ketë dëmtime të thonjve dhe ndër të tjera, shfaqjen e njollave – shkruan Healthline.

Përveç kësaj, njollat e bardha mund të jenë shenjë e mungesës së kalciumit, infeksioneve mykotike, psoriazës ose efekt anësor i marrjes së disa medikamenteve.

Në raste shumë të rralla, njollat e bardha zbulojnë malarien, sëmundjen e Hodgkin (një sëmundje malinje e indit limfocitar) dhe aneminë drapërocitare (një sëmundje e rëndë e gjakut në të cilën qelizat e kuqe të gjakut, të cilat bartin oksigjenin përmes gjakut nëpër trup, zhvillohen në mënyrë jonormale).

Nëse i gjithë thoi zbardhet, duhet të shkoni te mjeku, sepse mund të tregojë diabetin ose sëmundjet e zemrës.

Nëse vëreni shirita të bardhë që shtrihen në të gjithë sipërfaqen e thoit, kjo mund të nënkuptojë se trupi është helmuar nga arseniku ose taliumi. /Telegrafi/