Federata Evropiane e Futbollit (UEFA) ende nuk e ka ndërmend të përdorë Video Asistencën për Gjyqtar (VAR) në garat evropiane.

Reklama

Shumë liga evropiane kanë filluar të pranojnë shfrytëzimin e teknologjisë së sistemit VAR. megjithatë shtëpia më e madhe evropiane e futbollit, ende nuk po mendon që ajo të shfrytëzohet në Ligën e Kampionëve apo Ligën e Evropës.

Kështu së paku ka pohuar presidenti i UEFA-s, Aleksander Çeferin ka thënë se ndoshta nga edicioni 2019-2020 mund të shohim VAR-in edhe në garat evropiane.

“Liga e Kampionëve është si një Ferrari, nuk mund ta ngasësh menjëherë, duhet më parë të stërvitesh mirë, duhet praktikë dhe teste shtesë”, deklaroi Çeferin për Gazzetta dello Sport.

Reklama

“Është ende herët të flasim për VAR. Për të qenë më realistë mendoj se ndoshta nga sezoni 2019-2020 mund të flasim për VAR në Ligën e Kampionëve dhe ndoshta edhe në Kampionatin Evropian”, ka shtuar ai.

Reklama

Kujtojmë se Bundesliga dhe Serie A shfrytëzojnë VAR-in ndërsa Ligue 1 dhe La Liga pritet që sezonin e ardhshëm të pranojnë VAR-in gjersa Liga Premier ka hedhur poshtë një mundësi të tillë. /Telegrafi/