Bullock shqetësohet gjatë gjithë kohës për sigurinë e fëmijëve

Sandra Bullock ka thënë se përpiqet t’i mbrojë jashtëzakonisht shumë fëmijët e saj të adoptuar, sepse çdo ditë ka frikë se mund t’i ndodhë diçka në e keqe në shkollë.

Aktorja është duke i rritur dy fëmijë, tetëvjeçarin Louis dhe gjashtëvjeçaren Laila, ndërsa thotë se është tepër mbrojtëse kur është fjala për ta.

“I dua fëmijët e mi deri në një pikë neurotike dhe vetëm tash e kam kuptuar se çfarë do të thotë të kesh frikë çdo ditë. Vazhdimisht pyes veten se çfarë po ndodh në botë dhe se a jam nënë e mirë?”, ka theksuar 54-vjeçarja.

Ajo ka rrëfyer se kur fëmijët e saj shkojnë në shkollë, ajo i kontrollon vazhdimisht përmes telefonit dhe shqetësohet se a janë mirë.

Lexo po ashtu Lajmet për Sandra Bullock

Bullock ka thënë se është me fat, pasi që partneri i saj, Bryan Randall, me të cilin është në lidhje qe tre vjet, e kupton lidhur me histerinë që ka për fëmijët dhe gjatë gjithë kohës përpiqet ta qetësojë.

“Dua të bëj gjithçka që është në fuqinë time që t’i mbroj këta dy fëmijë të bukur. Ata janë bekimi im”, ka thënë aktorja.

Në të kaluarën, Sandra ka thënë se jeta e saj ka qenë “asgjë” para se t’i adoptonte fëmijët.

“Po, kam pasur jetë të bukur. Por, gjithë ajo është asgjë krahasuar me ata dy. Derisa ata nuk kishin ardhur në jetën time, thjesht kam humbur kohë. Tash e di me saktësi se si është jeta ime. Ndihem e bekuar”, ka thënë në të kaluarën Bullock. /Telegrafi/