David Beckham ka dalë nga hoteli i tij me pesë yje në Katar pas gati një jave, pasi fansat zbuluan se ku po qëndronte.

Reklama

Ish-ylli i Anglisë thuhet se ka shijuar një qëndrim në suitën elegante ‘Baraha View’ në Mandarin Oriental në Doha – që kushton deri në 22 mijë funte (23 mijë euro) nata.

Suita ndodhet në katin e fundit të hotelit, dhoma ka zonën e saj të ngrënies, portier privat, një oborr të hapur, pishinë private dhe palestër, shkruan The Sun.

Foto: Oriental Mandarin hotel/Instagram

Por sipas DailyMail, Beckham u largua gjatë fundjavës pasi u përhapën fjalë për statusin e tij të akomodimit.

Reklama

Një burim i tha gazetës: “Stafit i ka pëlqyer që ai të jetë këtu dhe i janë referuar si ‘Sir David’ sepse ai ishte kaq i respektueshëm dhe i nderuar nga të gjithë”.

Reklama

Foto: Oriental Mandarin hotel/Instagram

“Ai nuk u pa shumë nga të ftuarit e tjerë, sepse ai kishte një suitë të bukur e cila është si një ‘hotel’ brenda një hoteli, që do të thotë se nuk kishte nevojë të përzihej me ta”.

“Ai ka qenë shumë i sjellshëm dhe simpatik me stafin dhe duket si një njeri shumë i mirë. Sir David është një nga njerëzit më të famshëm në futbollin botëror dhe ka qenë një nder ta kemi këtu”, tha një burim nga brenda hotelit mikpritës.

Reklama

Foto: Oriental Mandarin hotel/Instagram

“Është për të ardhur keq që ai nuk është më këtu, por jam i sigurt se do të kthehet. Kush nuk do të donte të qëndronte këtu?”, u shpreh tutje burimi.

Reklama

Gjatë qëndrimit të tij, ish-futbollisti thuhet se ka shijuar përdorimin e një kuzhinieri personal ndërsa ka shijuar pamjet mahnitëse nga suita luksoze e qytetit.

Foto: Oriental Mandarin hotel/Instagram

Burimet sugjerojnë se menyja e tij përfshinte biftek japonez, dhe një përzgjedhje të pjatave me makarona.

Për të mos u zbuluar nga paparacët, Beckham ka hyrë dhe dalë nga hoteli luksoz duke përdorur një hyrje private.

Në ditët e ndeshjeve, ai thuhet se është transportuar nëpër kryeqytet me një limuzinë të errësuar.

Reklama

David Beckham në tribunat e Kampionatit Botëror 2022 (Foto: Alamy)

Përveç kësaj, Beckham ka shpenzuar gjithashtu kohë duke zgjeruar njohuritë e tij për kulturën lokale në rolin e tij si zyrtar i marrëdhënieve me publikun për komitetin organizativ të Katarit.

Reklama

Deri më tani, ai ka kaluar tashmë një pasdite në Muzeun e Artit Islamik të Dohas – duke bërë imazhe të instalimeve të mëdha shumëngjyrëshe të artit dhe shfaqje mbresëlënëse teknologjike.

Megjithatë, ai ka qenë duke shijuar stilin e jetës luksoze të Katarit i vetëm, me gruan e tij Victoria dhe fëmijët e tyre që mendohet se janë në Mbretërinë e Bashkuar.

Reklama

David Beckham në tribunat e Kampionatit Botëror 2022 (Foto: Rex)

Ish-mesfushori i futbollit ka qenë në qendër të vëmendjes për disa kohë pasi ai nënshkroi marrëveshjen e raportuar prej 150 milionë funteve (173 milionë euro) me Kampionatin Botëror si ambasador i tij.

Komentuesit – përfshirë komedianin Joe Lycett – e kanë kritikuar atë për lidhjen e tij me Katarin, për shkak të historisë së tij të të drejtave të njeriut dhe qëndrimit të tij ndaj grave dhe komunitetit LGBT+.

Reklama

Por, që nga fillimi i turneut, Beckham ka qëndruar në heshtje dhe nuk ka komentuar për këtë çështje. /Telegrafi/