Braziliani i Feronikelit që po e shijon jetën në Kosovë me familje – festa në ndeshje e titullit e dëshmon këtë

Sulmuesi i krahut te Feronikeli, Jean Agostinho da Silva i njohur si Carioca, që ka më shumë se një vit që jeton në Drenas.

Lojtari duket se po kalon shumë mirë dhe është mirënjohës jashtëzakonisht shumë Feronikelin.

Kjo për faktin se klubi nga Drenasi i ka paguar atij një shtëpi luksoze në të cilën banon bashkë me gruan dhe vajzën e tij. Paga e tij flitet se është ndër më të mëdhatë në Superligë, diku rreth 4 mijë euro.

Lumturia e familjes shihej edhe në festën e titullin, fillimisht ishin në shkallët e stadiumit, pastaj edhe në fushë me trofeun.

Lojtari shpesh poston edhe video dhe foto me familje nga jeta në Kosovë.

Carioca që ka bërë karrierë në shumë klube të ndryshme, duke përfshirë edhe Kukësin, ka zhvilluar një sezon të jashtëzakonshëm.

Braziliani është njëri nga futbollistët më të dashur nga tifozët dhe pritet të vazhdojë me klubin edhe për vitin e ardhshëm.

Carioca ka bërë 29 paraqitje nën fanellën e Feronikelit këtë edicion ku ka kontribuuar me 11 gola (2 në Kupë) dhe pesë asistime.

Në total, Carioca ka qenë në fushë për kampionët e ri këtë edicion për 2397 minuta. /Telegrafi/