Bonucci tregon tre sulmuesit më të fortë me të cilët është përballur, zbulon emrin e lojtarit që e linte pa gjumë para ndeshjeve

Kapiteni i Juventusit, Leonardo Bonucci, pranon se ai ‘nuk mund të flinte’ një natë para ndeshjes kundër ish-sulmuesit të Chelseat, Didier Drogba, edhe pse Duvan Zapata dhe Dusan Vlahovic gjithashtu llogariten si kundërshtar të fortë.

Italiani u intervistua nga mbështetësit e rinj të Juventusit drejtpërdrejt në kanalin zyrtar të klubit në Twitch.

Kur u pyet se kush është sulmuesi më i fortë me të cilin është përballur ndonjëherë, Bonucci u përgjigj me shpejtësi dhe siguri.

“Mendoj se ishte Drogba, nuk do të flija natën para ndeshjes kundër tij”, ka thënë fillimisht Bonucci.

“E njëjta gjë vlen edhe për Duvan Zapatën e Atalantas, gjithmonë më ka shqetësuar fiziku i tij. Pastaj Vlahovic kur luante për Fiorentinën”.

Gjithsesi, mbrojtësi italian nuk i ndjek me vëmendje vetëm sulmuesit.

“Si kundërshtar, unë e admiroj Luka Modric, poezia që ai transmeton duke luajtur futboll është thjesht sensacionale”.

🎙️ A tutto #Bonucci
🦓 Il capitano bianconero si racconta e parla della #Juventus
🔍 #Vlahovic, #Ronaldo, #Tevez, #EuropaLeague, il sogno, la partita perfetta e tanto altro https://t.co/qL2IZpfr9A

— Tuttosport (@tuttosport) February 22, 2023

Bonucci ka luajtur me disa nga sulmuesit më të mirë në botë në Juventus, por ka veçuar dy.

“Përveç Cristiano Ronaldos, Tevez është shoku i skuadrës që më ka bërë më shumë përshtypje, jo vetëm për mentalitetin e tij”, përfundoi italiani. /Telegrafi/