Revista serbe, Nedeljnik, mbrëmë vonë e ka tërhequr artikullin e saj në të cilin thuhej se kandidati republikan për president amerikan, Donald Trump, ka kërkuar falje për rolin e Shteteve të Bashkuara në bombardimet e ish-Jugosllavisë në vitin 1999.
Kjo javore beogradase tha se me gjasë ishte mashtruar me publikimin e intervistës – tashmë të diskredituar – me një zyrtar të fushatës së zotit Trump, në të cilën, po ashtu, pretendohej se Trump kishte shprehur përkushtim për politikë të re për Ballkanin, nëse zgjidhet president.
Bombardimi i NATO-s kundër Jugosllavisë e ndali liderin e atëhershëm, Sllobodan Millosheviq, dhe ka çuar në përfundim të Luftës në Kosovë.
Në këtë periudhë, president i Shteteve të Bashkuara ishte Bill Clinton, bashkëshort iHillary Clintonit, që është rivale demokrate e Donald Trumpit, në zgjedhjet presidenciale amerikane më 8 nëntor.
Nga fushata e sulmeve ajrore të NATO-s janë vrarë qindra civilë, por, po ashtu, është ndalur spastrimi etnik në Kosovë.
Nëpërmjet një deklarate, fushata e Trumpit tha se intervista ishte “gënjeshtër”.
Këtë mundësi e ka pranuar edhe revista Nedeljnik, pasi ekipi i zotit Trump e ka kundërshtuar këtë artikull senzacional, i cili ishte transmetuar gjerësisht në mediat amerikane, që raportojnë për fushatën presidenciale.
“Zoti Trump asnjëherë nuk ka dhënë intervistë për javoren serbe, Nedeljnik, ashtu siç në mënyrë të falsifikuar është raportuar nga Newsweek i diskredituar, e as që një intervistë e tillë është udhëhequr online nëpërmjet Drejtoreshës shtetërore të Indianës”, ka thënë Jason Miller, këshilltar i lartë i Trumpit për komunikime.
“Kjo ishte një gënjeshtër dhe ne presim të marrim tërhqje formale dhe kërkim falje nga të gjithë të involvuarit”, tha zoti Miller.
Brenda disa orëve, javorja Nedeljnik, në editorialin në ballinën e saj, ka pranuar se me gjasë ishte mashtruar dhe e ka tërhequr artikullin.
Revista ka pranuar se “intervista” e supozuar ishte kryer nëpërmjet emailit, me ndërmjetësim, dhe nuk ka kaluar nëpër kontrolle, për tu siguruar në legjitimitetin e përgjigjeve nga fushata e Trumpit, për të cilat kishte besuar se i ka marrë në bazë të pyetjeve të dërguara me email.
Javorja serbe tha se i kishte dërguar pyetjet me email te një aktor serbo-amerikan, me emrin, Vlladimir Rajiq, i cili jeton në Çikago, që kishte thënë se ka ndihmuar me këshilla në fushatën Trump.
Disa javë pasi i kishte dërguar pyetjet, Marko Preleviq, kryeredaktor i javores Nedeljnik, tha se i kishte marrë përgjigjet me email, që supozoheshin se ishin nga zonja Jaworowski, që është menaxhere e fushatës së Donald Trumpit në shtetin Indiana.
Suzanne Ryder Jaworowski tha mbrëmë vonë se ajo nuk ka marrë pjesë në intervistën me email.
“Lidhur me artikullin për intervistën në media me politikanin serb dhe zotin Trump, nëpërmjet emailit tim, kjo është e tëra e falsifikuar”, tha Jaworowski dhe ka shtuar se “kurrë nuk ka shërbyer si ndërmjetësuese për intervistë me zotin Trump nga askush”.
Revista Nedeljnik ka pranuar se ka mund të jetë mashtruar nga personi Rajçiq, i cili pretendohet se ka ndërmjetësuar për intervistë. /REL/
Nga Cinestar
Nga EBC Cosmetics
Nga StaffiX
Nga 75-mall
Lufta Prigozhin - Putin
Më shumë
Pse Greqia dhe Spanja po refuzojnë ta furnizojnë Ukrainën me sisteme të mbrojtjes ajrore?
Zelensky paralajmëron për një "Çernobil të dytë"
Ukraina tërheq nga vijat e frontit tanket amerikane Abrams për shkak të kërcënimeve nga dronët rus
Blinken: Rusia do të përballej me vështirësi në Ukrainë nëse nuk do të kishte ndihmën e Kinës
Franca dhe Gjermania nënshkruajnë marrëveshjen miliarda euroshe mbi një projekt armësh
SHBA fillon ndërtimin e bazës lundruese në brigjet e Gazës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
John Terry zbulon historinë e patreguar se si ai udhëhoqi kryengritjen te Chelsea ndaj një trajneri
"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Pasuria e guvernatorit të BQK-së, drejtorit ATK-së dhe drejtorit të Doganës
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Klopp e donte lojtarin që sot luan për Liverpoolin, por bordi kërkonte një tjetër - si nisi mosmarrëveshja mes tyre