Bie besimi ekonomik në Eurozonë

Për të nëntin muaj radhazi besimi ekonomik në Eurozonë shënoi rënie, njëkohësisht edhe rënia më e gjatë që nga viti 2011, e shkaktuar kryesisht si pasojë e proteksionizmit dhe pasigurisë politike që kanë hedhur një re të zezë mbi të gjithë Evropën.

Rënia më e fundit e besimit filloi me Gjermaninë, e cila ka parashikuar një rënie të parashikimit të rritjes dhe me paralajmërimin e fundit të Organizatës Botërore të Tregtisë se vendosja e tarifave SHBA-Kinë po dëmton tashmë investimet e korporatave.

Brenda Evropës, ka arsye të tjera që shkaktojnë shqetësim, pasi investitorët presin edhe një përditësim nga Italia lidhur me financat e saj publike. Obligacionet italiane pësuan rënie për shkak se bisedimet në lidhje me buxhetin qeveritar u goditën nga mosmarrëveshje të shumta, të cilat mund të ndikojnë në ngadalësimin e arritjes së objektivave të shumëpritura fiskale, përcjell Telegrafi.

OBT-ja deklaroi javën e kaluar se rritja e tregtisë botërore të mallrave do të ngadalësohet në 3.9 për qind gjatë këtij viti nga 4.7 për qind që ishte në vitin 2017. Ky është një ngadalësim më i theksuar se ai i parashikuar prej 4.4 për qind në prill. Efektet e drejtpërdrejta ekonomike të këtyre masave kanë qenë modeste deri më sot, por pasiguria që gjenerojnë tashmë mund të ketë ndikim përmes shpenzimeve të reduktuara të investimeve. Indeksi i besimit të Komisionit Evropian, që përfshin si familjet ashtu edhe kompanitë, është në nivelin më të ulët në më shumë se një vit. /Telegrafi/