Ministri i Brendshëm i Shqipërisë Taulant Balla në konferencën për mediat ku prezantoi bilancin e punës së Policisë së Shtetit për 2023 dhe përcaktoi objektivat për vitin që sapo ka nisur, u pyet nga gazetarët për thyerjen e masës së sigurisë nga ana e ish-kryeministrit Sali Berisha.
Kreu i PD-së së Rithemelimit edhe pse në “arrest shtëpie”, më 2 dhjetor doli në ballkon duke valëvitur flamurin e demokratëve dhe përshëndeti simpatizantët me dy gishta, ndërsa mbrëmjen e djeshme iu drejtua atyre me një fjalim.
Me një mikrofon në dorë, Berisha iu drejtua mbështetësve të tij, duke thënë se do të respektojë vetëm Kushtetutën supreme, e cila sipas tij, është ndërgjegjja e demokratëve.
Lidhur me këtë çështje, Balla tha veprimet e Berishës janë të pa pranueshme, por theksoi se nuk i takon ministrit të Brendshëm të bëjë komente, por institucioneve përkatëse që janë SPAK dhe GJKKO, të cilave u janë referuar konstatimet për shkelje të masës nga ana e policisë.
“Kodi i procedurës penale, neni 237 pika 4, është shumë i qartë për mënyrën e zbatimit të arrestit në shtëpi. Gjatë arrestit në shtëpi ke të gjitha ndalimet që ke edhe gjatë arrestit me burg. Ky është kodi, nuk e kam shkruar unë, as zotëria, por e kam votuar edhe unë, edhe zotëria. Dhe këtu është ndarja e dy botëve, sa e respekton ligjin. Nuk kam pasur asnjë kontakt me policinë e shtetit, sa i përket detyrës që ka policia, që shtetasi në fjalë të trajtohet njëlloj si çdo shtetas tjetër në këtë vend. Policia e ka të përcaktuar nga urdhri i dy prokurorëve sesi ushtron kontrollin në zbatimin e këtij vendimi. Policia referon te prokurorët të gjitha konstatimet për zbatimin e vendimit të gjykatës dhe urdhrit që ka nxjerrë prokuroria. Është e papranueshme, por u takon institucioneve të tjera të bëjnë komente për këtë dhe jo ministrit të Brendshëm.”
Sa i përket vendimit të drejtësisë për të “izoluar” Berishën që nga 30 dhjetori, Balla u shpreh i bindur se procesi i privatizimit të ish-kompleksit “Partizani” për të cilën po hetohet ish-kryeministri është korrupsion i pastër.
“Nuk dua që kësaj çështje t’i jap perceptim apo ngjyrim politik. Për ne janë raste që këta persona i kanë me drejtësinë. Pavarësisht se në rastin e personit që ju flisni është një kallëzim i bërë nga ana ime në cilësinë e deputetit por edhe një qytetari. E kam ndjekur atë çështje prej vitesh, që kur gatuhej ajo formë privatizimi dhe pastaj të gjitha veprat penale që kanë pasuar. Mbetem i bindur se privatizimi i kompleksit Partizani është një rast tipik si në librat e kriminalistikës, të korrupsionit. Por nuk dua të hyjë në asnjë lloj komenti. Sot në Shqipëri përballen dy botë, keni Partinë Socialiste, grupin e saj parlamentar që nuk bën asnjë koment mbi ndonjë akuzë që ngrihet mbi ndonjërin prej nesh. Dhe keni edhe rastin tjetër që është një korrupsion i pastër. Një funksionar publik përdor firmën, pozicionin e tij për përfitime të paligjshme, apo lehtësim procedure dhe ushtrim të ndikimit të paligjshëm. Këtu është korrupsion se janë krijuar miliona pasuri.” /Telegrafi/
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
Alarmi i Alicia Kearns për Ballkanin, politologët komentojnë deklaratën e deputetes britanike
Parlamenti britanik miratoi mocionin e Alicia Kearns për Kosovën
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
'Çmontohet' rrjeti i drogës në Spanjë, 14 të arrestuar përfshirë edhe shqiptarë që transportonin tonelata me kanabis në Evropë
Hoxha: Peter Stano po e luan rolin e “kaubojit”
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit