Ylli i Borussia Dortmundit, Jude Bellingham shkroi emrin e tij në librat e historisë së Ligës së Kampionëve të mërkurën me një gol të shkëlqyeshëm për ekipin e tij kundër Manchester City në ndeshjen kthyese çerekfinale.

17-vjeçari barazoi rezultatin e përgjithshëm në 2-2 në ndeshjen kthyese çerekfinale kur shënoi një gol të bukur në minutën e 15-të të ndeshjes.

Me këtë gol për skuadrën e Bundesligës, Bellingham ka rishkruar disa rekorde të kamotshme në Ligën e Kampionëve dhe te Dortmundi.

Bellingham bëri paraqitjen e tij të 10-të në këtë garë të mërkurën, në vetvete një arritje që kishte ndodhur më parë vetëm një herë nga një lojtar i moshës së tij.

Me 17 vjet dhe 289 ditë, ish-lojtari i Birmingham City u bashkua me Youri Tielemans si dy futbollistët që kanë arritur shifra të dyfishta në garë para ditëlindjes së tyre të 18-të.

Edhe më mirë ishte tek goli, pasi anglezi u bë lojtari i dytë më i ri që shënon gol në fazën e eliminimeve direkte në Ligën e Kampionëve.

Vetëm Bojan Krkic, i cili shënoi për Barcelonën në moshën 17 vjeç dhe 217 ditë kundër Schalkes në vitin 2008, ka shënuar gol në një moshë më të re.

Bellingham gjithashtu u bë lojtari më i ri anglez ndonjëherë që shënon në këtë garë, duke zhvendosur Alex Oxlade-Chamberlain; ndërsa ai është gjithashtu futbollisti më i ri që shënon në Ligën e Kampionëve për Dortmundin. /Telegrafi/