Këngëtarja shqiptare me renome ndërkombëtare, Bebe Rexha, po i shijon më së miri vitet që ka.

Kështu së paku ka treguar ajo në postimin e fundit të bërë në rrjetin social Instagram.

Bebe Rexha (Foto: Timothy Hiatt/Getty Images/Guliver)

Artistja me prejardhje nga Dibra, ka publikuar një imazh bardhë e zi, ku shfaqet mjaft e lumtur para kamerës, teksa shkruan në mbishkrimin e saj se nuk ndjehet aspak e shqetësuar që po i afrohet të tridhjetave.

“Unë jam 29 vjeçe, së shpejti për 30 dhe lavire unë ndjehem mirë. Njerëzit janë të përgatitur të ndihen keq për moshën e tyre, veçanërisht gratë! Por unë refuzoj të etiketohen nga një numër. Ndihem sikur po rritem në vetën time të vërtetë. Komentoni me moshën tuaj”, kanë qenë fjalët e këngëtares.

Këngëtarja shqiptare përndryshe do të mbushë 30 vite më 30 gusht të këtij viti.

Ajo e ka nisur karrierën në moshë shumë të re, gjersa përgjatë gjithë këtyre viteve ka korrur suksese të shumta në industrinë e muzikës ndërkombëtare.

Përkundër fluturimeve të shpeshta, Bebe Rexha vazhdon të ketë frikë të madhe nga aeroplani Përkundër fluturimeve të shpeshta, Bebe Rexha vazhdon të ketë frikë të madhe nga aeroplani

Kujtojmë që këtë vit ajo shënoi suksesin më të madh, duke u nominuar për dy çmime “Grammy”, në atë që njihet si mbrëmja më e madhe e ndarjes së çmimeve të muzikës. /Telegrafi/

Bebe Rexha (Foto: Jon Kopaloff/Getty Images/Guliver)