Correntin Tolisso i ka muajt e numëruar te gjiganti gjerman Bayern Munich.

Mesfushori francez nuk ka arritur të ambientohet me futbollin gjerman dhe ka humbur vendin e titullarit tek kampionët gjerman.

Mediat gjermane kanë raportuar se Bayerni nuk llogarit në shërbimet e lojtarit dhe do ta shes atë në verën e vitit 2020.

25-vjeçari iu bashkua Bayernit tri vite më parë nga Lyoni për 41 milionë euro, por që këtë edicion ka luajtur vetëm në 10 sfida në Bundesliga.

Corentin Tolisso. (Photo by Alexander Hassenstein/Getty Images for AUDI)

Megjithatë mediat gjermane kanë raportuar se pesë skuadra janë vënë pas reprezentuesit të Francës.

Manchester United dhe Arsenal e duan në Angli, ndërsa Juventus e Napoli në Itali, derisa interesim ka shfaqur edhe Atletico Madrid.

Për ta lënë të lirë mesfushorin e tyre, Bayerni po kërkon mbi 40 milionë euro. /Telegrafi/