Ekipi i Golden Eagle Yllit e nisi ndeshjen me epërsi 13:2, mirëpo, më pas u bllokua tërësisht në sulm dhe Prishtina shënoi 27 pikë derisa Golden Eagle Ylli vetëm katër dhe ekipi kryeqytetas krijoi epërsi prej 12 pikëve, thuhet në faqen e FBK-së.
Kjo epërsi ishte pak a shumë e vazhdueshme deri në minutën e tretë të çerekut të fundit kur Ylli u afrua në 53:60 dhe 55:62.
Mirëpo, dy shënime të Prishtinës i dhanë këtij ekipi pesë pikë të reja dhe në dy minutat e fundit, Prishtina e ruajti epërsinë dhe e fitoi IPKO Kupën pas një kohe të gjatë.
Kupën ekipit fitues ia dorëzoi Afërdita Fazliu zv.drejtoreshë e Departamentit të Sportit.
