Bashkimi vazhdon ta ndjekë liderin, fitore bindëse ndaj Trepçës

Skuadra e Bashkimit ishte nikoqire e Trepçës në palestrën sportive “Sezai Surroi”, për të zhvilluar ndeshjen e xhiros së 21-të në Superligën e Kosovës në basketboll.

Ekipi nga Prizreni regjistroi fitoren e 16-të duke triumfuar me rezultat 87-65 kundër ‘Minatorëve’.

Vendasit që nga fillimi luajtën më mirë duke i shënuar gjashtë pikë më shumë se mysafirët në çerekun e parë (22:16).

Në dhjetëminutëshin e dytë, vizitorët ia dolën të ktheheshin duke shënuar një pikë më shumë se kundërshtari (20:21), megjithatë Bashkimi shkoi në pushim me epërsi.

Çereku i tretë ishte i barabartë (22:22) dhe derisa nikoqirët ishin në epërsi, gjithçka mbeti të vendosej në fraksionin e fundit.

Ndërsa në fund, Verdhezinjtë u treguan dukshëm më të fortë (23:6) për fitoren bindëse prej 22 pikësh epërsi.

Kjo ishte fitorja e 16-të e Bashkimit që numëron vetëm pesë humbje, ndërsa mban vendin e dytë në tabelën e Superligës së Kosovës në basketboll, me 37 pikë.

Nga ana tjetër, për Trepçën ishte humbja e 12-të, ndërsa Minatorët numërojnë nëntë fitore dhe pozicionohen në vend të pestë në tabelë, me 30 pikë. /Telegrafi/