“Balotelli më nxiu jetën, e tepronte edhe para prindërve të mi” (Foto)

Dy vjet pas ndarjes me Mario Balotellin, Fani Neguesha rikthehet të flasë për sulmuesin italian.

Në një intervistë të dhënë gjatë ditëve të fundit për mediet italiane, ish e fejuara e Balotellit tregon arrogancën me të cilën sillej 26-vjeçari.

Fani është betuar gjithashtu se nuk do të pranojë më të ketë një marrëdhënie dashurie me futbollistë. “Nuk doja më të më njihnin si ‘e dashura e tij’. Është e vështirë për të bërë karrierë nëse të etiketojnë si të tillë, transmeton Telegrafi.

Edhe termi “wags” është i degraduar tashmë. Në fillim më pëlqente të isha e dashura e ndonjë futbollisti të famshëm, por me kalimin e kohës një gjë e tillë vetëm sa më dëmtoi dhe nuk më ndihmoi. Balotelli sillej si një ‘yll’ i futbollit edhe në shtëpinë e prindërve të mi.

Nuk sillej si një person normal, por me arrogancë të tepruar. Atij nuk i pëlqente që mediet interesoheshin për mua. Nuk do të lidhem më me një futbollist. Ishte një periudhë shumë e vështirë për mua”, pranon Fani në intervistën e saj. /Telegrafi/