Axl kalon testin, ai pëlqehet në rolin e vokalistit të “AC/DC” (Foto)

Për herë të parë, grupi legjendar i rokut, “AC/DC”, ka perfomuar me një vokalist tjetër dhe ai është pikërisht Axl Rose, frontmeni i grupit “Guns N’Roses”.

Si rrallë herë në debutimin e Lisbonës, ai zëvendësoi vokalistin Brian Johnson, i cili për arsye shëndetësore është tërhequr nga turneu botëror. Mjekët e kanë këshilluar atë se mund të humbasë dëgjimin nëse vijon të këndojë.

Johnson, i cili ka drejtuar grupin që nga viti 1980 pas vdekjes se Bon Scott, është shprehur emocionalisht i mërzitur se nuk do të marrë pjesë në turne, por u zotua se nuk do të heqë dorë nga muzika, transmeton TCH.

Fansa nga e gjithë bota udhëtuan drejt Lisbonës për të shijuar nga afër performancën e “AC/DC”.

“Nuk kishte thuajse asnjë dallim në vokalin e Brian Johnson dhe Axl Rose. Dashuria për bendin na bëri që ta shijonim koncertin”, u shpreh një fanse e këtij grupi.

Koncerti i Lisbonës do të pasohet nga të tjerë koncerte nëpër Evropë, ku “AC/DC” ka publikuar datat e performancave duke ftuar fansat të jenë pjesë e magjisë së muzikës së tyre.