Këngëtarja e re shqiptare, Ava Max, e cila po shënon suksese të shumta në botë, tashmë krenohet me dy nominime në eventin e madh, MTV EMA 2019.

Javën e kaluar u bë e ditur, që ajo ka arritur të nominohet për çmimet “Artistja e re më e mirë” dhe “Depërtimi i vitit”.

Teksa ndodhet në valën e sukseseve, sot ajo është shpërblyer edhe me një çmim të rëndësishëm.

Ava Max (Foto: Joe Maher/Getty Images/Guliver)

Bëhet fjalë për çmimin “Artisti më depërtues i vitit”, që i është dhuruar asaj nga revista “Attitude”, e cila është revista më e shitur në Evropë dhe Britani, e komunitetit LGBTI.

Publikohen nominimet për MTV Europe Music Awards 2019, nga shqiptaret dominojnë Bebe Rexha dhe Ava Max - Dua dhe Rita mbesin jashtë Publikohen nominimet për MTV Europe Music Awards 2019, nga shqiptaret dominojnë Bebe Rexha dhe Ava Max - Dua dhe Rita mbesin jashtë

Teksa është nderuar me këtë çmim, Ava Max gjendet në një nga kopertinat e numrit të ri të kësaj reviste, që ka nderuar edhe personalitete të tjera me çmime.

Këngëtarja me origjinë shqiptare e lumtur për këtë nderim, ka ndarë me ndjekësit e saj në Instagram një postim, ku ndër të tjerash ka falënderuar revistën për çmimin në fjalë.

“Ndihem e nderuar që pranoj Çmimin “Artisti më depërtues i vitit” nga Revista Attitude! Më duhet të them një falënderim masiv për të gjithë Revistën Attitude që më vendosën mua në kopertinë – më keni përkrahur që nga dita e parë, dashuria juaj do të thotë e gjithë bota për mua dhe unë ju falënderoj për gjithçka që ju i qëndroni mrapa. Unë gjithashtu duhet të falënderoj fansat e mi LGBTQ + (Avatars), ju djema jeni tifozët absolutë më të mirë dhe jeni arsyeja pse unë e bëj këtë! Ndihem shumë mirënjohëse që jam këtu në Mbretërinë e Bashkuar dhe ju dua të gjithëve, jam shumë e entuziazmuar që ju të shihni se çfarë po vjen”, kanë qenë fjalët e Ava Max. /Telegrafi/

Ava Max (Foto: Aurelien Meunier/Getty Images/Guliver)