Manchester City do të presë Aston Villa të dielën, në ndeshjen që vendos titullin e kampionit në elitën e futbollit anglez. 

Man City dhe Liverpool po luftojnë për titullin e kampionit, ku ‘qytetarët’ kanë një pikë më shumë (90) dhe kanë gjithçka në duart e tyre, pasi Liverpooli ka 89 pikë.

Tifozët e Liverpoolit shpresojnë në ndihmë nga legjenda e tyre Steven Gerrard, pasi anglezi tani drejton Aston Villa si trajner.

Por ka edhe nga ata që kanë frikë se skuadra nga Birmingham, do të humbasin që të marrin 18 milionë euro në rast të humbjes. Më saktësisht, në rast se Manchester City del kampion.

Gjegjësisht, Jack Grealish, verën e kaluar u transferua nga Aston Villa në Manchester City dhe klubet nënshkruan një klauzolë që në rast se Man City fiton titullin këtë sezon, duhet t’i paguajnë një bonus Aston Villas, prej 18 milionë eurove.

Sigurisht, Aston Villa mund t’i marrë ato para në rast se barazojnë ose fitojnë, por me kusht që Liverpool të mos fitojë në shtëpi ndaj Wolverhampton./Telegrafi/