Ilaix Moriba i ka shkaktuar shumë probleme Barcelonës, duke refuzuar deri më tani të rinovojë kontratën.

Talenti ka refuzuar rinovimin duke kërkuar plotë 100 mijë euro në javë, gjë që nuk i ka pëlqyer bordit që thuhet se është lodhur nga kërkesat e tij.

I pyetur për çështjen e lojtarit, presidenti Joan Laporta ka konfirmuar se është i lirë të largohet nëse dëshiron.

“Nuk lejojmë që të promovohet dhe pastaj të largohet. Nuk do pranojmë këtë te asnjë lojtarë. Nëse dëshiron të shkojë sepse ka opsione tjera, është i lirë të largohet nga klubi”, ka thënë kreu i klubit katalunas.

“Nëse nuk rinovon, gjejmë zgjedhje tjera. Çfarë nuk duam është që lojtarët e ndërtuar në La Masia të mos rinovojnë. Klubi mbi të gjitha”.

Ndërkohë, Barcelona mendon se klubet e Ligës Premier janë vënë pas Moribas, andaj ky është duke refuzuar rinovimin. /Telegrafi/