Me rezultat 3-1, Franca ka fituar në udhëtim kundër Luksemburgut për të marrë kreun e Grupit A.

Olivier Giroud  e zhbllokoi rezultatin në minutën e 28-të, mirëpo vendasit e barazuan rezultatin me golin e Aurelien Joachim (34′) nga pika e bardhë. Sidoqoftë, ky mbeti vetëm goli i nderit për nikoqirët.

Antoine Griezmann riktheu avantazhin e Les Bleus po nga pika e bardhë dhe me rezultat 2-1 për francezët, skuadrat shkuan në pushim.

Në pjesën e dytë u shënua vetëm një gol, ndërsa ishte sërish Olivier Giroud (77′) me golin e dytë personal në këtë sfidë.

Pas pesë xhirosh në kualifikimet për ‘Rusia 2018’, Franca numëron 13 pikë, tri më shumë se Suedia që është e dyta në grup. /Telegrafi/