0Shares

Arsenali është ndalur në barazim pa gola 0-0 në shtëpi nga Sportingu i Lisbonës.

Trajneri Unay Emery kishte vendosur t’i pushonte disa nga lojtarët kryesor për këtë takim.

Kësisoj Granit Xhaka, Mesut Ozil, Bernd Leno e Alexandre Lacazette nuk ishin grumbulluar fare për këtë takim.

Pjesa e parë ishte e qetë dhe krejt çfarë vlen të përmendet ishte lëndimi i Dany Welbeck.

Sulmuesi anglez u detyrua të largohet nga loja në minutën e 30-të pasi theu këmbën e tij dhe u zëvendësua nga Aubameyang.

Me rezultatin e barabartë 0-0 përfunduan 45 minutat e para të kësaj sfide.

Pjesën e dytë Arsenali e nisi duke sulmuar dhe rastin e parë të mirë e pati Aubameyang por që goditja e tij nuk ishte e saktë.

Topçinjtë vazhduan sulmet dhe patën edhe dy raste të mira me Aubameyang dhe Mkhitaryan por që nuk e gjetën golin.

Deri në fund krejt çka vlen të përmendet është kartoni i kuq i mbrojtësit mysafir Mathieu.

Rezultati pas 90 minutave ishte ashtu siç filloi pa gola 0-0.

Por edhe ky barazim i ka konvenuar Arsenalit që matematikisht ka siguruar kalimin nga Grupi E pasi ka grumbulluar 10 pikë.

Ndeshjen e radhës Arsenali e luan në Ukrainë përballë Vorskla Poltavas, ndërsa Sportingu në Azerbajxhan tek Qarabag. /Telegrafi/

Të Ngjajshme
Shfaq Komentet (0)