Arsenali i kthehet fitoreve në Ligën Premier, fiton thellë ndaj Crystal Palace (Video)

Arsenali ka fituar në shtëpi ndaj rivalëve lokal të Crystal Palace me rezultat të thellë 4-1 në ndeshjen e vlefshme për javën e 24-të të Ligës Premier.

Skuadra e Arsene Wengerit i është kthyer fitoreve pas tri ndeshjeve në kampionat duke mposhtur Palacen në një ndeshje të dominuar.

Topçinjtë u panë të etur për fitore dhe këtë arritën ta sigurojnë qysh në pjesën e parë me katër gola të shënuara.

Goli i parë i ndeshjes erdhi qysh në minutën e gjashtë, ku mbrojtësi spanjolle, Nacho Monreal shënoi nga afërsia për 1-0 pas asistimit të Granit Xhakës.

Arsenali arriti të shënojë edhe dy gola të shpejt për tre minuta, ku fillimisht shënoi Alex Iwobi për 2-0 në minutën e dhjetë, ndërsa për 3-0 u përkujdes mbrojtësi francez, Laurent Koscielny, në minutën e 13-të, ku të dytë u shërbyen nga Monreal.

Forma e mirë e Arsenalit u pa edhe në minutën e 22-të ku shënoi sulmuesi francez, Alexandre Lacazette për 4-0 pas asistimit të Mesut Ozil dhe me këtë rezultat skuadrat shkuan në pushim.

Në pjesën e dytë, skuadra e Wengerit arriti të menaxhoj mirë lojën dhe rezultatin, ndërsa mysafirët krejt çfarë arritën ishte goli i nderit në minutën e 78-të nga Luka Milivojevic, i cili vulosi rezultatin përfundimtar 4-1.

Pas kësaj fitore, Arsenali renditet në pozitën e gjashtë me 42 pikë, ndërsa Crystali zë vendin e 13-të në tabelë me 25 pikë të mbledhura.

Në ndeshjen e ardhshme Topçinjtë luajnë në udhëtim te Swansea, ndërsa Palace gjithashtu udhëton te West Hami. /Telegrafi/