Arsenali ndoshta duhet ta shesë Pierre-Emerick Aubameyangun për të grumbulluar fonde për transferimin e Wilfried Zaha këtë verë.

Unai Emery pëlqen lojën e anësorit të Crystal Palace, i cili kaloi një tjetër sezon të mrekullueshëm në Ligën Premier.

Mirëpo, dështimi i Topçinjve për t’u kualifikuar në Ligën e Kampionëve i kufizon fondet e shpenzimeve, ndërkohë që Arsenali do të luajë për të tretin vit rresht në Ligën e Evropës.

Pierre-Emerick Aubameyang (Foto: Alex Livesey/Getty Images/Guliver)

Buxheti i shpenzimeve në këtë afat kalimtar është vetëm 45 milionë funte (50 milionë euro) që është shumë e vogël për Zaha.

Sipas BBC, klubi londinez duhet të grumbullojë fonde duke shitur lojtar për t’i siguruar shërbimet e futbollistit 26 vjeçar.

Të gjitha lajmet nga Wilfried Zaha Të gjitha lajmet nga Wilfried Zaha

Dhe mundësia më reale për ta arritur këtë është duke e shitur sulmuesin nga Gaboni, Aubameyang, i cili ishte njëri nga golashënuesit më të mirë në sezonin e kaluar në Ligën Premier (me 22 gola, aq sa dyshja e Liverpoolit, Mohamed Salah dhe Sadio Mane). /Telegrafi/