Armando Sadiku është larguar nga futbolli evropian dhe ka bërë transferimin në kampionatin e Bolivisë.

Sulmuesi i Kombëtares së Shqipërisë së fundmi ishte pjesë e skuadrës turke Erzurumspor.

Megjithatë kontratën me këtë skuadër e ka shkëputur me marrëveshje të dyanshme dhe tanimë ka kompletuar transferimin në Bolivi.

Është skuadra e famshme nga Bolivia, Bolivar që ka arritur t’i sigurojë shërbimet e Armando Sadikut.

Ka qenë vet presidenti i klubit, Marcelo Claure që ka publikuar lajmin për arritjen e Sadikut.

Ende nuk janë zbardhur detajet financiare, por e sigurt është se Sadiku është lojtar i ri i Bolivar.

Mediat në Bolivi kanë raportuar se shkuarja e Sadikut te Bolivar mund të jetë një trampolinë për të shkuar pastaj elbasanasi në MLS.

Pronari i Bolivar, Marcelo Claure është bashkëpronar me David Beckham në Inter Miami por edhe tek Girona në Spanjë. /Telegrafi/