Aretha Franklin dyshohet se është dëmtuar për 178 mijë dollarë

Autoritetet e Detroit po hetojnë nëse ishte mashtruar këngëtarja Aretha Franklinin.

Policia amerikane ka filluar një hetim me pretendimet se është dëmtuar këngëtarja për 178 mijë dollarë para se të vdiste në gusht të vitit të kaluar.

Prokurori i Përgjithshëm i Distriktit të Oaklandit, Paul Walton thotë se artistja e ndjerë kishte paraqitur një ankesë në stacionin policor të Blumfield Township duke pretenduar se i ishte zhdukur një çek me shumën e lartcekur.

Ajo vdiq disa javë më vonë nga kanceri i pankreasit në moshën 76 vjeçare. Walton ka konfirmuar për Detroit News se vdekja e artistes ndikoi në hetimet e mëtejme.

Ai tha se ishte “e vështirë për të përcaktuar” nëse këngëtarja i dhuroi ndonjë kujt çekun dhe shtoi se policia ka biseduar me personin që ka tërhequr paratë, por nuk ka pranuar të jep më tepër detaje.

Lexo po ashtu Të gjitha lajmet rreth Aretha Franklinit

Theksojmë se çeku mund të bëhet temë e veçantë për avokatët, anëtarët e familjes dhe kreditorët e përfshirë në pronën e Franklinit në Auckland.

Ndryshe, artistja në të njëjtën kohë ka qenë edhe aktore hollivudiane, pianiste si dhe tekstshkruese e këngëve. /Telegrafi/