Ministri serb i Punëve të Brendshme, Aleksander Vulin gjatë një takimi me sekretarin rus të Sigurisë Kombëtare, Nikolai Patrushev i ka dorëzuar atij video të takimeve të liderëve të opozitës ruse në Beograd, pas të cilave është arrestuar opozitari dhe aktivisti rus Andrei Pivovarov.
Këto informacione janë siguruar nga Agjencia e Informacionit të Sigurisë (BIA), shkruan media serbe Nova.
Së voni janë publikuar informacione se Rusia dhe Serbia në fshehtësi kanë formuar një grup të përbashkët pune për të luftuar kundër “revolucioneve me ngjyra”, detyra e të cilit është të shtyp demonstratat dhe organizimet masive të qytetarëve. Përveç kësaj, një organ i përbashkët i autoriteteve serbe dhe ruse është caktuar që të mbikëqyrë liderët e opozitës, mediat e pavarura dhe organizatat e shoqërisë civile.
Dyshimet se ka një koordinim të përbashkët të autoriteteve në Rusi dhe Serbi për shtypjen e demonstratave masive dhe se po shkëmbehen përvoja në këtë temë, u shtuan edhe pas takimit që Vulin pati me Patrushevin para protestës së fundit të së shtunës të mbajtur në Beograd, e cila ishte masive.
Kjo gjë u konfirmua edhe përmes njoftimit zyrtar të Ministrisë së Punëve të Brendshme serbe pas vizitës së fundit të Vulin në Moskë, në të cilën theksohet se, “revolucionet me ngjyra” ishte temë e takimit mes Serbisë dhe Rusisë.
Për më tepër këto dy vende, janë duke u munduar aktivisht që protestat qytetare dhe kundërshtimin e ndryshëm opozitar dhe të opinionit publik në vendet e tyre, ta lidhin pa fakte me ndikimin e aktorëve të ndryshëm të huaj, me qëllim të njollosjes së aktiviteteve që kundërshtojnë qeveritë e tyre. Kjo gjë dëshmohet nga komunikatat pas takimeve të Vulin në të cilat thuhet se në takimin e tyre se, “u vu në dukje që ‘revolucionet me ngjyra’ janë kthyer në instrument tradicional të politikave të qendrave të caktuara të pushtetit dhe vendeve që synojnë minimin e shtetësisë dhe humbjen e sovranitetit me pretekstin e demokratizimit”. Gjithashtu u konstatua se “vendet e lira duhet t’i rezistojnë kësaj”.
Sipas disa informacioneve, grupi punues i përmendur për “Luftën kundër Revolucionit të Ngjyra” ka ekzistuar që nga mesi i vitit të kaluar, kur Administrata Kundër Pastrimit të Parave bëri një listë të gazetarëve të njohur, OJQ-ve dhe shoqatave të qytetarëve dhe kërkoi nga bankat që të inspektojnë të gjitha transaksionet e tyre nga 1 janari 2019.
Takimi gjatë muajit maj rezultoi me arrestimin e opozitarit rus Kara-Murza
Në takimin e mbajtur nga Vulin dhe Patrushev në fund të majit, ministri i Policisë i ka dorëzuar zyrtarit nga Moska regjistrimet e takimit të opozitarëve rusë në Beograd, të bëra nga BIA, ka janë bisedat e regjistruara midis opozitarëve rus Andrei Pivovarov dhe Vladimir Kara-Murza.
Menjëherë pas takimit u publikua lajmi se Pivovarov ishte arrestuar duke u zbritur nga avioni në Shën Petersburg dhe tani përballet me 6 vjet burg për “pjesëmarrje në një organizatë të padëshiruar”.
Informacioni për arrestimin e Pivovarov u publikua nga Kara-Murza, duke pretenduar se presidenti rus Vladimir Putin dhe homologu i tij bjellorus Aleksander Lukashenko janë “fjalë për fjalë binjakë”.
One more political prisoner in Russia today. Andrei Pivovarov, former leader of Open Russia, removed by FSB from the plane that was about to take off from St. Petersburg to Warsaw. Now held incommunicado at the Investigative Committee.
Putin and Lukashenko are literally twins. pic.twitter.com/DmI9uZCF3d
— Vladimir Kara-Murza (@vkaramurza) May 31, 2021
Kara-Murza u lajmërua për shkak të informacioneve që Vulin i kishte dorëzuar Patrushevit regjistrimet e bisedave të tij me Pivovarin, duke thënë se autoritetet serbe ishin të gatshme të “qëndronin në këmbët e pasme para luftës së madhe nga Kremlini”.
Së fundmi ministri serb ka vizituar sërish Moskën. Pas takimit, Vulin dhe Patrushev njoftuan krijimin e një “grupi të përbashkët pune për luftën kundër revolucioneve me ngjyrë”, detyra e të cilit do të jetë parandalimi i demonstratave dhe monitorimi i vazhdueshëm i aktivistëve të opozitës, organizatave joqeveritare dhe gazetarëve të pavarur.
“Gatishmëria e autoriteteve aktuale serbe për të qëndruar në këmbë para vëllait të madh nga Kremlini është prekëse. Tashmë është e qartë se për çfarë lloj “bashkëpunimi për sigurinë” kanë biseduar Patrushev dhe Vulin në takimin e mesit të majit, në të cilin janë transmetuar transkriptet e bisedave të përgjuara”, ka shkruar ai në tekstin autorial të tij.
Për këtë rast u lajmërua edhe Mikhail Khodorkovsky, një kritik i Kremlinit dhe ish-manjat i naftës.
“Doli se policia sekrete serbe regjistron bisedat e aktivistëve rusë dhe i përcjell në FSB (Shërbimi Federal i Sigurisë). Historia nuk po mëson, por Haga po pret”, ka shkruar ai në rrjetin social Twitter.
Сербская охранка, оказывается, записывает разговоры российских активистов и сливает их ФСБ
История не учит, а Гаага ждет..
— Ходорковский Михаил (@mich261213) December 7, 2021
Derisa i gjithë opinioni demokratik në Rusi është tmerruar me faktin se qeveria serbe po e spiunon opozitën ruse për të ruajtur favorin e Moskës, ministri Vulin nuk po flet me këtë rast. /Telegrafi/
Lufta Prigozhin - Putin
Më shumëNga Rubrika
Ukrainasit mësyjnë istikamet e rusëve me tank, i hedhin në erë edhe me dron kamikaz – pamje nga beteja për Serbryanskyn
Rusët bombardojnë Rusinë, gabimisht hodhën bombën në territorin e tyre – raketa gjigante ra rreth 100 kilometra larg Ukrainës
Momenti kur raketa izraelite godet me precizitet veturën brenda të cilës ishte komandanti i Hezbollahut
Deklarata skandaloze e Millorad Dodikut nga Rusia: Nuk duam ta ndajmë ajrin me boshnjakët
Ukrainasit pretendojnë se shkatërruan 314 tanke dhe autoblinda ruse gjatë betejës gjashtëmujore për Novomykhailivkan
Sunak do të shpallë paketën më të madhe të ndihmës ushtarake të Mbretërisë së Bashkuar për Ukrainën
Pamje të Dubait nga hapësira – ja si dukej, para dhe pas përmbytjeve
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
E thotë kryeministri britanik: Nëse mposht Ukrainën, Putini nuk do të ndalet në kufirin me Poloninë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Si Izraeli përdori dronët për të ngatërruar mbrojtjen ajrore iraniane përpara se të "gjuante raketat supersonike Rampage" - një sulm preciz që heshti Teheranin
Kryesuesja në KS të OKB-së përplaset ashpër me Vuçiqin për minutat e fjalimit
Përplasja e SHBA-së me Rusinë në KS të OKB-së: Nuk mund të ndryshoni historinë e intervenimit të NATO-s në Kosovë
Gjykimi për vrasjen e trefishtë në Gllogjan, dëshmitari tregon se çka i kishte thënë i akuzuari në natën kritike
Katër të mbijetuara të luftës nuk u lejuan të futeshin në sallën e KS të OKB-së, Osmani refuzoi pjesëmarrjen derisa lëshoi pe protokolli
"Ndoshta pse jam shqiptare", Dua Lipa zbulon një talent sekret që ka të bëjë me prejardhjen e saj