Producenti  Harvey Weinstein përballet me një akuzë të re për keqtrajtim seksual, ndërkohë që po e vuan dënimin me 23 vjet burg.

68 vjeçari është goditur me një akuzë të re për sulm seksual, shkruan Mirror. Ai akuzohet lidhur me një sulm të supozuar të një gruaje në një hotel në Beverly Hills më 11 maj 2010.

Akuza u njoftua nga Zyra e Prokurorit të Qarkut në Los Angeles. Lajmi vjen pasi Weinstein ishte diagnostikuar me COVID-19.

Harvey Weinstein (Foto nga Scott Heins/Getty Images/Guliver)

Aktualisht nuk dihet kur ai do të transferohet në Los Angeles për t’u përballur me akuzat e reja. Viktima më e fundit e pretenduar u intervistua fillimisht nga detektivët si  dëshmitare.

“Ndërsa mbledhim prova vërtetuese, ne kemi arritur te viktimat e tjera të mundshme të sulmit seksual. Nëse gjejmë prova të reja për një krim të paraportuar më parë, siç kemi bërë këtu, ne do të hetojmë dhe përcaktojmë nëse duhet të paraqiten kallëzime shtesë penale”, ka thënë prokurorja e qarkut të Los Angelesit.

Prokurorët thonë se ata po refuzojnë të ndjekin penalisht dy raste të tjera sepse gratë e përfshira nuk donin të dëshmonin. Kur Weinstein u dënua në mars, viktimat e tij thirrën dhe e mbajtën njëri-tjetrin ndërsa dolën nga salla e gjyqit. Gjashtë gratë që kishin dëshmuar kundër tij, u kapluan me emocione, ndërsa dolën nga salla e gjyqit. Midis tyre ishte aktorja Rosie Perez, modelja Tarale Wulff, Jessica Mann dhe Cyrus Vance Jr. /Telegrafi/