Aguero heziton të bëhet trajner pasi nuk dëshiron të bëhet tullac si Guardiola

Ish-sulmuesi argjentinas, Sergio Aguero ka pranuar ‘brutalisht’ se Pep Guardiola e ka shtyrë atë të mendojë të mos bëhet trajner në të ardhmen

34-vjeçari kaloi pesë vjet nën urdhrat e menaxherit spanjoll dhe gjatë kësaj kohe ata patën një lidhje me ulje-ngritje.

Gjatë kohës së Agueros në City, ai përfundoi si golashënuesi më i mirë i klubit me 260 gola në 390 ndeshje dhe një legjendë e certifikuar në Etihad.

Argjentinasi u detyrua të tërhiqej në vitin 2021 për shkak të problemeve me zemër, vetëm pesë muaj pasi u largua nga City për t’iu bashkuar Barcelonës.

Megjithatë, duket sikur ai është pak në mëdyshje për të kaluar në një rol trajneri në çdo kohë në të ardhmen e afërt.

Dhe, për ta bërë më komike situatë, Aguero e lidh punën e trajnerit me tullacin e Guardiolës, duke pranuar se situata e flokëve të spanjollit e ka shtyrë atë të bëjë këto komente.

Kun Agüero: “It’s not easy to be a coach… Look at Pep, he went bald from thinking so much.” pic.twitter.com/AU1ZvI23r6

— Barça Universal (@BarcaUniversal) November 20, 2022

“Nuk është e lehtë të jesh trajner… Shikoni Pep, ai u bë tullac nga të menduarit kaq shumë”, ka thënë Aguero duke bërë shaka.

“Dua të them, Pep sigurisht që është një mendimtar, por gjithashtu e ka ndihmuar atë të fitojë dhjetë tituj të ligës vendase si trajner në tre liga”.

“Unë mendoj se ai do të shkëmbejë me kënaqësi disa tufa flokësh për lavdinë e tij”, përfundoi argjentinasi.

Ndërsa komenti i Agueros ishte sigurisht i ‘egër’, dyshja përfundimisht kaluan mirë pavarësisht një fillimi të vështirë të marrëdhënies së tyre. /Telegrafi/