Trent Alexander-Arnold ka folur hapur për zhgënjimin e madh që përjetoi pasi mbeti jashtë listës së Anglisë për Kupën e Botës 2026, duke rrëfyer edhe momentin kur përzgjedhësi Thomas Tuchel i komunikoi lajmin.
“E dija që telefonatat po bëheshin. Lojtarët që njoh kishin marrë telefonatat e tyre një ditë më parë. Sinqerisht, isha plot shpresë”.
“Kur erdhi telefonata, isha në shtëpi në Madrid. Kisha disa familjarë për vizitë dhe shkova në dhomën time për ta marrë telefonatën”, tha ai fillimisht.
“Kur e mbylla telefonin, isha plotësisht i shkatërruar. Plotësisht i shkatërruar. Nuk kisha bërë asnjë plan për verën, sepse shpresoja të isha pjesë e skuadrës”.
Përjashtimi nuk i shkaktoi vetëm zhgënjim, por edhe zemërim.
“Shpresoj që stafi teknik ta presë dhe ta kuptojë që isha i zemëruar. Ai dëshiron lojtarë që janë të dëshpëruar për të luajtur për Anglinë”.
“Dhe unë jam një prej tyre. Mendoj se ai do ta respektojë faktin që kjo më lëndoi vërtet dhe do ta preferojë këtë sesa të mos më interesonte”.
Alexander-Arnold pranoi gjithashtu se konkurrenca për pozitën e mbrojtësit të djathtë në Angli ka qenë jashtëzakonisht e fortë.
“Kemi pasur shumë lojtarë të shkëlqyer në pozitën e mbrojtësit të djathtë, në këtë gjeneratë në të cilën kam luajtur deri tani”.
“Ka pasur konkurrencë të ashpër dhe trajnerët zgjedhin atë që e shohin si më të përshtatshmin për skuadrën. Dhe deri tani ai nuk kam qenë unë. Por unë e përdor këtë si motivim për të përparuar”, përfundoi Alexander-Arnold./Telegrafi/
