Agjenti i Haaland pretendon se sulmuesi ka ‘çelësin e derës’ për t’u larguar nga Man City
Agjentja i Erling Haaland, Rafaela Pimenta, ka pohuar se sulmuesi ka “çelësin e derës” sa herë që vendos që koha e tij te Manchester City ka përfunduar.
Braziliania trashëgoi perandorinë e Mino Raiola pas vdekjes së tij të parakohshme në prill të vitit të kaluar, por tani ka shpjeguar se si ajo kishte qenë në krye të çdo kontrate në listën e klientëve të kompanisë gjatë 25 viteve të fundit.
Pimenta zbuloi gjithashtu se klientët e saj e kanë gjithmonë “çelësin e derës” për t’u larguar nga klubet e tyre dhe sulmuesi i Cityt, Haaland nuk është ndryshe.
“Unë jam në favor të lirisë. Është beteja ime. Unë gjithmonë them se një nga prioritetet e mia si agjent është t’i ofroj lojtarit atë që unë e quaj ‘çelësi i derës’”, ka thënë fillimisht agjenti i Haaland për gazetën spanjolle AS.
“Kur një lojtar shkon në një klub, unë bëj gjithçka që mundem për të krijuar kushtet për çelësin e derës, që dera të jetë në duart e tij. Dhe nëse nesër nuk duron dot më të jesh atje sepse nuk të pëlqen, ose nuk paguhesh mirë, ose sepse gruaja jote dëshiron të jetojë në Paris? Atëherë largohesh, apo jo?”.
“Nuk më pëlqen kur lojtari im nuk është i lirë të vendosë. Unë kam bërë çdo kontratë në këtë agjenci për 25 vitet e fundit. Nuk ka pasur asnjë herë që një lojtar të ketë thënë ‘dua të largohem’ dhe nuk mund të bëjë”, përfundoi Pimenta.
Ndërsa nënvizonte lirinë e Haaland për t’u larguar nga klubi i tij i ri, Pimenta refuzoi të tërhiqej nga ekzistenca e një klauzole lirimi prej 200 milionë euro që, sipas The Athletic, hyn në fuqi nga vera e vitit 2024.
Klauzola thuhet se zbatohet vetëm për klubet jashtë Anglisë, duke bërë që shumë në Spanjë të besojnë se kjo mund të jetë pengesa e mundshme e largimit te Real Madrid, i cili fillimisht ishte i lidhur me lojtarin përpara se ai të bashkohej me skuadrën e Pep Guardiolës.
Megjithatë, në Angli, Haaland vazhdon të thyejë rekorde golash, me numrin në ligë që ka shkuar në 25 gola në 19 paraqitje, të cilin ai do të shpresojë ta shtojë kur City të udhëtojë te Tottenham të dielën. /Telegrafi/
Promo
Reklamo këtuLufta Prigozhin - Putin
Më shumëPep Guardiola dhe Heung-Min Son kishin një bisedë me të përfunduar ndeshja mes Cityt dhe Spurs
Dështimi i Ligës Premier 'në prag të shndërrimit në miliarder' falë biznesit jashtëzakonisht të suksesshëm
Çmenduria e kësaj vere: Bruno Fernandes transferohet te Interi?
“Ishim gati, por s’na pyetën fare” - Ministri i Sportit, Hajrulla Çeku reagon ashpër ndaj bashkëpunimit Shqipëri-Serbi
E bleu si super talent për 60 milionë euro, PSG e ka ofruar te gjigantët italianë Manuel Ugarten
“Situata është shumë e vështirë”, Xavi dërgon mesazh të fortë për tifozët e Barçës në mbarë botën
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3