Adrien Rabiot nuk është pajtuar me vendimet e gjyqtarit në derbin që Juventusi e humbi 1-0 ndaj Interit.

Mesfushori francez nuk ishte i kënaqur me vendimet e zyrtarëve të ndeshjes pas fitores së Nerazzurrëve në Torino mbrëmë.

Hakan Calhanoglu u lejua të riekzekutonte një penallti pasi humbi të parën. Matthijs de Ligt ishte futur në zonë përpara se lojtari turk të gjuante topin dhe ishte i pari që u hodh në gjuajtje pas pritjes së Szczesnyt.

A u dëmtua Juventusi nga VAR-i në derbin me Interin - ky rast po komentohet shumë në mediat sociale A u dëmtua Juventusi nga VAR-i në derbin me Interin - ky rast po komentohet shumë në mediat sociale

Juventusi kërkoi një penallti në pjesën e dytë për një faull të Alessandro Bastonit ndaj Denis Zakarias, i cili dukej se ishte brenda zonës.

Rabiot e kishte kritikuar tashmë arbitrin gjatë intervistës së tij pas ndeshjes me DAZN, ku tha se zyrtari “kishte vendosur lojën”. Ai tha më shumë në postimin e tij në Instagram pas ndeshjes, duke shtuar se “është e vështirë të luash 11 kundër 12”.

Postimi u pëlqye nga shumë lojtarë të Juventusit, duke përfshirë Matthijs de Ligt, Arthur Melo dhe Weston McKennie. /Telegrafi/

View this post on Instagram

A post shared by Adrien Rabiot (@adrienrabiot_25)