Tifozët e Juventusit protestuan për shkak të një kontakti të mundshëm për penallti mes Alessandro Bastoni dhe Denis Zakarias, i cili duket të jetë brenda zonës.

Nerazzurrët morën të tre pikët falë një penalltie të konvertuar në gol nga Hakan Calhanoglu në pjesën e parë.

Reprezentuesi turk e kishte humbur shansin e parë, por goditja nga pika duhej të ripërsëritej pasi Matthijs de Ligt hyri në zonë përpara se mesfushori të prekte topin. Më shumë polemika pati në pjesën e dytë kur Bastoni u përplas me Zakarian.

Në kundërshtim me VAR-in, Allegri u nervozua dhe hodhi pallton në tokë - momenti "pushtoi" rrjetet sociale Në kundërshtim me VAR-in, Allegri u nervozua dhe hodhi pallton në tokë - momenti "pushtoi" rrjetet sociale

Massimiliano Irrati dha një goditje dënimi, por u deshën disa minuta për ta ekzekutuar atë, ndërsa VAR foli për disa minuta me arbitrin duke u përpjekur të kuptonte nëse kontakti ishte brenda zonës apo jashtë saj.

Ata përfundimisht konfirmuan goditjen e lirë për Juventusin, por imazhet që qarkullojnë në rrjetet sociale duket se tregojnë se Bastoni ra në kontakt me mesfushorin e Juventusit brenda zonës. Këmba e Bastonit është në vijë, e cila vlen pasi ai ishte brenda zonës së rreptësisë.

Trajneri i Juventusit, Massimiliano Allegri refuzoi të komentonte vendimet e arbitrit pas ndeshjes, duke preferuar të diskutonte performancën e ekipit të tij. /Telegrafi/