Presidenti i Federatës së Futbollit të Kosovës, Agim Ademi ka uruar gjithë popullin për tre vjetorin e pranimit të Kosovës në UEFA.
Në një letër të publikuar në faqen zyrtare të FFK-së, Ademi ka thënë se FFK që nga ajo kohë ka bërë hapa të mëdhenj në zhvillim.
Gjithashtu numri një i FFK-së, ka thënë se Përfaqësuesja e Kosovës ka bërë ndeshje mjaftë të mira dhe është rritur shumë në tri vite.
Urimi i plotë i Presidentit të FFK-së, Agim Ademi për tre vjetorin e pranimit në UEFA:
Të nderuar kolegë të Komitetit Ekzekutiv, të nderuar anëtarë të FFK-së, drejtues të klubeve, futbollistë e dashamirë të futbollit,
Sot për ne dhe për futbollin e Kosovës është një ditë e madhe dhe e shënuar në historinë e futbollit tonë dhe jo vetëm. Si sot, tre vite më parë, në Kongresin e UEFA-s në Budapest, FFK-ja u anëtarësua me të drejta të plota në UEFA, duke i dhënë fund izolimit 25-vjeçar dhe duke e hapur një epokë të re në historinë e futbollit tonë.
Kjo ditë solli emocione e lot gëzimi kudo në Kosovë e Diasporë, pasi për një vendim të tillë meritor ishte pritur me dekada dhe u sakrifikuan shumë breza. Ishte një ditë në të cilën ngadhënjeu drejtësia dhe futbolli, e ku u shpërblye mundi, djersa e sakrifica e shumë gjeneratave pa dallim. Kjo ditë shënoi kthesën e shumëpritur për futbollin e Kosovës për të ecur përpara drejt rezultateve dhe integrimeve në familjen e futbollit evropian, aty ku edhe e kemi vendin dhe ku po marshojmë me dinjitet dhe me rezultate të mira.
Që nga ajo periudhë FFK-ja ka bërë hapa të mëdhenj në zhvillimin e saj si federatë, derisa Kombëtarja e Kosovës ka krijuar një ekip shumë cilësor, ku me lojërat e paraqitura sidomos në Ligën e Kombeve, por edhe në ciklin kualifikues për Euro 2020, ka bërë krenar tërë kombin dhe është shndërruar në storie suksesi për vendin tonë kudo në botë. Po ashtu, edhe ekipet zinxhir të grupmoshave të Kombëtares gjatë kësaj kohe janë konsoliduar, derisa pjesëmarrja e klubeve në garat evropiane ka ndikuar në ngritjen e cilësisë dhe të organizimit në kampionatin vendor.
Prandaj, shfrytëzoj rastin që në këtë ditë të veçantë t’i falënderoj të gjithë ata që punuan në vazhdimësi dhe brez pas brezi që sot ta gëzojmë këtë ditë. Falënderoj gjeneratat para nesh që morën guximin dhe i thanë “JO” regjimit okupator dhe e mbajtën gjallë futbollin në kushte jashtëzakonisht të vështira, duke e ndarë edhe kafshatën e gojës për ta mbajtur gjallë futbollin e Kosovës, si dhe të gjithë ata njerëz të vullnetit të mirë që arat pjellore i lëshuan për t’i shndërruar në fusha futbolli.
Po ashtu i kujtoj me krenari të gjithë ata që punuan dhe ndihmuan për këtë ditë të madhe e që më nuk janë në mesin tonë, posaçërisht ish-presidentin, Fadil Vokrri, por edhe të gjithë të tjerët që kanë qenë pjesë e futbollit.
Urime kjo ditë e madhe të gjithë anëtarëve të KE-së, të gjitha klubeve dhe kryetarëve të tyre, futbollistëve, organeve tjera të futbollit (delegatëve të Kuvendit të FFK-së, Komisioneve, gjyqtarëve, delegatëve të ndeshjeve), tifozëve “Dardanët” si dhe tërë popullit të Kosovës.
Vazhdojmë tutje, me Krenari e Përgjegjësi! Na priftë e mbara. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ronald Araujo afër largimit nga Barcelona? Agjenti i tij në bisedime me klubin e njohur
Shifrat ‘e çmendura’ të parave që do të fitojnë Jake Paul dhe Mike Tyson nga dueli që do të zhvillojnë
Superkompjuteri parashikon favoritin e ri për të fituar Ligën e Kampionëve këtë sezon
Ancelotti theu protokollin e UEFA-s pasi eliminoi Manchester Cityn nga Liga e Kampionëve
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Zyrtare: Serie A do të ketë pesë skuadra në Ligën e Kampionëve për sezonin 2024/25
Ka pesë vite pjesë e klubit, çmimi qesharak i shitjes që Reali i ka vendosur yllit të skuadrës
Gundogan i pamëshirshëm për shokun e skuadrës, e lë fajtor për eliminimin e Barcelonës
Ai është më i rëndësishëm se sa mendojnë tifozët e futbollit - djali i Ancelotti kyç në dhomën e Real Madridit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi