Këngëtarja e mirënjohur shqiptare, Adelina Ismaili, e ka treguar gjithmonë se është një simpatizuese e LDK-së.

E mesa duket edhe në zgjedhjet e ardhshme që do të mbahen, ajo do të mbështesë po të njëjtën parti.

E sa i përket kandidatit që do të dalë për kryeministër nga kjo parti, Adelina duket se mbështet të vetmen femër që e konkurron këtë post.

Vjosa Osmani (Foto: Ridvan Slivova/Telegrafi)

Bëhet fjalë për Vjosa Osmanin, për të cilën diva e estradës ruan një respekt të veçantë.

Adelina ka publikuar së fundmi në rrjetin social Facebook një status ku ndër të tjerash ka cituar fjalët: “Vjosa për kryeministre, vetëm Vjosa”.

Foto: SC/Adelina Ismaili/Facebook

Mbetet të shihet deri në rezultatin final nëse ajo do të jetë vërtetë kandidate apo jo. /Telegrafi/