Abdixhiku: Referendumi i Serbisë përveç antikushtetues është në kundërshtim me parimet bazike të demokracisë

Kryetari i Lidhjes Demokratike të Kosovës, Lumir Abdixhiku ka thënë gjatë seancës së jashtëzakonshme të Kuvendit të Kosovës se tema që i ka sjellë sot në mbledhje nuk ka kuptim të trajtohet gjatë.

Ai madje tha se nuk ka nevoje për trajtim parlamentar.

“Tema në pakuptimin e vet që na është sjellur këtu nuk ka nevojë për trajtim të shumtë, madje nuk mendojmë se ka nevojë për trajtim parlamentar. Për ne, mbajtja e referendumit kushtetues të një shteti tjetër është e mbyllur para se të nis. Përveç jo-kushtetutese dhe jashtë normave aktuale e ligjore të vendit tonë. Është praktikë e paparaueshme ndërkombëtare dhe praktikë në kundërshtim me parimet bazike të demokracisë”, theksoi Abdixhiku.

Abdixhiku tha se nuk ka kuptim të mbahet seanca e jashtëzakonshme në lidhje me këtë temë.

“Këtë s’mund ta kuptoj sepse kryeministri ka obligim kushtetues që të zbatojë në plotni gjitha mekanizmat. Edhe sikur të kishte rezolutë që lejon referendumin është Kushtetua që ia ndalon zbatimin e një rekomandimi të tillë. A ka diçka shtesë që Kuvendi duhet të ofrojë si kryeministër që s’mund ta zbatosh rendin Kushtetutës. A të duhen mjete, shpallje të gjendjes se jashtëzakonshme. Çka të shton vlerë rezoluta. Nëse të shton rezoluta dramë, duhet ta kuptosh që prej dallim prej praktikave destruktive në këtë kuvend sa herë Kosova është përballur me Serbinë, LDK refuzon të shkaktojë përçarje”, u shpreh Abdixhiku. /Telegrafi/