Deputeti i LDK-së, Lumir Abdixhiku, ka thënë se qeveria aktuale e koalicionit PAN, për një vit e gjysmë ka shpërdorur 200 milionë euro.

Abdixhiku, përmes një postimi në Facebook, thotë se me paratë e shpërdorura do të viheshin në binarë shumë gjëra.

Postimi i plotë i Abdixhikut:

“Në Kosovën e PAN-it:

– 53 milionëve të Bechtelit;

– 52 milionëve të ujit;

– 49 milionëve të listave fallce;

– 16 milionëve të rezervës shtetërore;

– 10 milionëve të zv/ministrave me këshilltarë;

I shtohen edhe 14 milionë euro humbje të Telekomit vetëm sivjet. Punësimi familjar aty vazhdon.

Gati 200 milionë euro të shpërdoruara publikisht për një vit e gjysmë PAN. Sa shumë gjëra do të viheshin në binarë me kaq para”, ka shkruar Abdixhiku. /Telegrafi/