“Çështje familjare”, Zayn Malik thyen heshtjen për sherrin e bujshëm me Yolanda Hadidin

Zayn Malik ka trajtuar më në fund ‘luftën’ e tij të supozuar me Yolanda Hadid – dy vjet pasi ai nuk pranoi akuzat për ngacmim duke pretenduar se kishte shtyrë nënën e ish-partneres Gigi Hadid gjatë një debati.

“Çështje familjare. Sikur të ndodhë diçka në familje, do të preferoja ta mbaja atë mes familjes”, tha Malik, 30 vjeçar në episodin e së mërkurës të podcast-it “Call Her Daddy”.

“Nuk keni nevojë për një audiencë të tërë njerëzish dhe opinionesh, sepse është mjaft e vështirë ta menaxhosh”, shtoi ai për të dhe modelen 28 vjeçare, me të cilën ndan vajzën dyvjeçare, Khai.

Ish-ylli i “One Direction” theksoi se nëse grindja do të ishte aq e keqe sa njerëzit po e bënin atë, ai nuk do të kishte 50 për qind kujdestarinë e vajzës së tij të vogël.

Lexo po ashtu Për herë të parë në gjashtë vjet, Zayn Malik rikthehet me një intervistë emocionale

“Unë jam shumë i përfshirë, i kujdesshëm me fëmijën tim”, tha ai duke shtuar: “Nëse do të mund të merrja 60 për qind të kujdestarisë, do ta kisha atë”.

“Nëse dikush me të njëjtën mendje do ta shikonte situatën, besoj se mund të respektoni që unë thjesht nuk doja të tërhiqja vëmendjen për asgjë”, vazhdoi ai.

Malik shtoi se ai nuk donte ndonjë “rrëfim në internet” që vajza e tij të mund të shikonte prapa një ditë dhe “ta lexonte”, duke thënë: “Nuk kishte kuptim”.

“Besoj se e kam trajtuar në mënyrën më të mirë. Një mënyrë miqësore, e respektueshme”, tha ai. “Kjo është gjithçka që duhet thënë”.

Në shtator 2021, Malik dhe Gigi u ndanë pasi ai u akuzua se kishte sulmuar nënën e saj. /Telegrafi/