Louis van Gaal është emëruar trajner i ri i Holandës për herë të tretë në karrierë, pas largimit të Frank de Boer në muajin qershor.

De Boer u tërhoq nga posti i trajnerit pas eliminimit zhgënjyes të Holandës në 1/16-tën e Euro 2020 nga Republika Çeke dhe Federata Holandeze e Futbollit (KNVB) tani janë kthyer në një fytyrë të njohur për të stabilizuar anijen.

Van Gaal është emëruar në një marrëveshje fillestare njëvjeçare për të mbikëqyrur pjesën e mbetur të sezonit kualifikues të Kupës së Botës.

Zyrtare: Frank de Boer nuk do të drejtojë më Holandën Zyrtare: Frank de Boer nuk do të drejtojë më Holandën

Nëse Holanda arrin kualifikimin në Katar 2022, Van Gaal do të mbetet automatikisht trajner së bashku me ndihmësin e tij Danny Blind.

“Trajneri ynë i ri, Van Gaal”, ishte njoftimi i shkurt në faqen zyrtare të Holandës.

Në anën tjetër, Van Gaal e ka cilësuar si nder marrjen e drejtimit të kombëtares.

“Futbolli holandez ka qenë gjithmonë pranë zemrës sime dhe stërvitja e ekipit kombëtar është, sipas mendimit tim, një pozicion kyç për të çuar përpara futbollin tonë. Për më tepër, e konsideroj një nder”, ka thënë Van Gaal.

Ndryshe, Van Gaal më parë ka qenë trajner i ekipit kombëtar të Holandës midis viteve 2000 dhe 2002 dhe midis 2012 dhe 2014, duke e udhëhequr vendin e tij në vendin e tretë në Kupën e Botës në mandatin e tij të dytë në krye te ekipit. /Telegrafi/