Federata Mbretërore e Futbollit Spanjoll (RFEF) ka njoftuar se Luis de la Fuente është emëruar trajner i ri i Përfaqësueses së Spanjës.

Reklama

Spanja sot (e enjte) gjatë ditës konfirmoi ndarjen e rrugëve me trajnerin Luis Enrique, pas eliminimit në 1/8-tën e Kupës së Botës “Katar 2022” nga Maroku.

Megjithatë, nuk ka vonuar shumë dhe brenda një ore, drejtuesit e RFEF kanë vendosur për pasuesin e Enriques.

Bëhet fjalë për trajnerin e Spanjës U21, Luis de la Fuente, i cili do ta marr drejtimin e kombëtares La Roja.

Është vet faqja zyrtar e RFEF, e cila ka konfirmuar emërimin e De La Fuentes në krye të ekipit të parë.

Reklama

“RFEF ka zgjedhur Luis de la Fuente si trajnerin e ri të kombëtares. Drejtori sportiv, Jose Francisco Molina, i ka transferuar një raport presidentit, Luis Rubiales, në të cilin rekomandon zgjedhjen e trajnerit të La Roja, deri tani trajneri U-21, për të drejtuar fazën e re që nis pas Kupës së Botës në Katar”, thuhet në njoftim. /Telegrafi/

Reklama