Gjilani ka konfirmuar zyrtarisht se ka rinovuar kontratën edhe për një vit me mesfushorin Muhamed Useini.

Klubi gjilanas ka filluar furishëm fushatën për bërjen gati për sezonin e ri 2021/21 në Superligën e Kosovës.

Pas largimit të disa lojtarëve të panevojshëm, drejtuesit e Gjilanit kanë filluar rinovimin e kontratave të disa tjerëve që i kanë në plane të ekipit.

Pas rinovimit me portierin Enea Koliçi, sulmuesin Gerhard Progni dhe mesfushorin Besar Musolli, Gjilani ka konfirmuar vazhdimin e marrëveshjes edhe me Useinin.

“Sport Club Gjilani njofton se ka arritur të vazhdojë marrëveshjen e bashkëpunimit me Muhamed Useinin edhe për një edicion të radhës”.

“Klubi falënderon Muhamedin për besimin dhe i uron sukses drejt realizimit të objektivave që janë vendosur”, thuhet në njoftim. /Telegrafi/