Bunjamin Shabani është zyrtarizuar si lojtari më i ri i klubit gjilanas, Drita.

Drita ka vazhduar me përforcime në këtë afat kalimtar dhe sot (e hënë) gjatë ditës ka prezantuar transferimin e tyre më të ri.

Bëhet fjalë për sulmuesin anësor Bunjamin Shabani, i cili është 28-vjeçar dhe ka lindur dhe rritur në Maqedoni.

Të gjitha lajmet rreth KF Dritës Të gjitha lajmet rreth KF Dritës

Është vet klubi gjilanas, i cili ka zyrtarizuar transferimin e tij me anë të faqeve të tyre zyrtare.

” Mirë se erdhe Bunjamin Shabani”, thuhet në postimin e Dritës në Facebook.

Ndryshe, ky është transferimi i tetë i Dritës këtë verë, pasi më parë kanë nënshkruar me Ilir Blakçorin, Hamdi Namanin, Drilon Islamin, Izair Eminin, Darko Tofiloskin, Donat Hasanajn dhe Gilberto Fortunadon.

Në anën tjetër, Shabani në të kaluarën ka luajtur për skuadrat nga Maqedonia si Renova, Shkëndija, Bashkimi dhe Shkupi, ndërsa ka luajtur edhe në Shqipëri me Partizanin dhe në Kosovë me rivalin e urryer lokal, Gjilanin. /Telegrafi/