Behar Maliqi është rikthyer te Prishtina pas shtatë viteve duke bredhur nëpër skuadrat e tjera.

Mesfushori me përvojë të madhe është rikthyer në kryeqytet, duke u prezantuar me fanellën e klubit.

33-vjeçari ishte larguar nga Prishtina në verën e vitit 2013, duke veshur edhe fanellën e Partizanit, Feronikelit dhe së fundmi Llapit.

Bardhekaltërtit e kanë prezantuar Maliqin, por nuk kanë bërë me dije se për sa vite ka nënshkruar kontratë ai.

Maliqi në prezantim është shprehur shumë i lumtur me rikthimin në kryeqytet, teksa ka falënderuar klubin për besimin e dhënë.

“Është kënaqësi e madhe për mua të kthehem në klubin ku jam formuar si lojtar. Falënderoj udhëheqjen e klubit dhe trajnerët për besimin që kanë te unë”.

“Shpresoj që vit të jetë i Prishtinës dhe t’i arrijmë qëllimet që i kemi”, ka thënë Maliqi. /Telegrafi/