LAJMI I FUNDIT:

ZRRE shqyrton sot kërkesën e “Elektrosever” për licencim

ZRRE shqyrton sot kërkesën e “Elektrosever” për licencim

Bordi i Zyrës së Rregullatorit për Energji (ZRRE) do të shqyrtojë sot kërkesën për dhënie të licencës për furnizim me energji elektrike për “Elektrosever” për katër komunat veriore, bazuar në marrëveshjen e arritur mes Kosovës dhe Serbisë në Bruksel.

Kosova dhe Serbia në Bruksel të martën nënshkruan Udhërrëfyesin për zbatimin e marrëveshjeve të arritura për energjinë gjatë viteve 2013 e 2015, ku njëra ndër pikat obligon ZRRE-në t’ia lëshojë licencën e furnizimit “Elektroseverit”.

Mbledhja është paraparë të mbahet me fillim prej orës 13:00 në zyrat e Rregullatorit të Energjisë.

Marrëveshja për energjinë ka dominuar diskursin publik në vend ditëve të fundit me debate të ashpra edhe në Kuvendin e Kosovës.

Opozita ka kritikuar kryeministrin Albin Kurtin, për marrëveshjen e nënshkruar, të cilën e kishte kundërshtuar sa ishte në opozitë.